Kryeministri Edi Rama e ka cilësuar raportin e fundit të Departamentit Amerikan të Shtetit si më pozitivin në këto 25 vite.
“Raporti me pozitiv i Departamentit te Shtetit ne 25 vjet per arritjet e vendit kunder droges! Inkurajim per me tutje ne drejtimin e duhur.”- shkruan Rama.
Gjatë vitit 2015, thuhet në raport, autoritetet shqiptare kryen një sërë arrestimesh dhe kapën një sasi të madhe droge nga prodhuesit dhe rrjetet e trafikantëve që veprojnë në vend, duke vazhduar prirjen e vitit 2014.
“Ky sukses i dedikohet kryesisht vazhdimit të bashkëpunimit me autoritetet italiane dhe shtimit të angazhimit të udhëheqjes politike dhe asaj të policisë”, thotë raporti.
Por nga ana tjetër, raporti thekson edhe se Shqipëria vazhdon të mbetet një vend kryesor burimi për prodhimin e marijuanës dhe një pikë tranziti për dërgesat e kokainës dhe heroinës me destinacion përfundimtar tregjet evropiane.
