Kryeministri Rama në një intervistë dhene ekskluzive për gazetën “Panorama” tregon për marrëdhënien e tij me ministrat teknikë të Partisë Demokratike. Cili është mendimi i tij për ministrat dhe veçanërisht për zv.kryeministren Mandija dhe pse nuk e mblodhi kabinetin e tij bashkë me ta.
Kryeministri tregon raportin e ri me ministrat e saposhpallur të kabinetit të tij. Cilat janë vijat e kuqe për ministrat dhe çfarë ndryshon në objektivat e Qeverisë në ndryshim nga mandati i parë. Rama tregon arsyet që e detyruan të reflektonte nga praktika e vendosur katër vjet më parë për mandatet. Kryeministri shpjegon dhe rolin e ri që do të marrin prefektët e qarqeve ndërsa sqaron dhe ndarjen e vendit në katër rajone.
I pyetur për mungesën e një komunikimi personal të tij me ministrat teknikë të Partisë Demokratike, kreu i qeverisë vlerëson punën e tyre, veçanërisht zv.Kryeministren Ledina Mandija për seriozitetin, për integritetin e saj në raport me detyrën që kreu.Ndërsa në lidhje me raportin e Task-Forcës për zgjedhjet, Rama shprehet se ai ishte përgatitur kohë më parë, por ndërhyrja politike, bëri që ai të mbushej me akuza për shitblerje të votës.Riemërimi i ministrave të tij në kabinetin e ri qeveritar, për Kryeministrin Rama ka kaluar përmes një analize dhe matjeje të punës së tyre, ndërsa shprehet se ata do të duhet t’i dalin për zot kësaj detyre.
ma.me
