Kryeministri Edi Rama ka publikuar pamje nga samiti i BE-Ballkani perëndimor, që po mbahet sot në Brdo të Sllovenisë.
Në një video të publikuar në ‘Facebook’, Rama tregon momentet kur hyn në godinën, ku do të mbahet samiti, si dhe momente të takimeve me disa prej liderëve të vendeve të BE apo të rajonit.
Sapo Rama arrin tek hyrja e ndërtesës, kryeministri i Luksemburgut Xavier Bettel që po jepte deklaratë për mediat ndërpret prononcimin dhe afrohet pranë kryeministri shqiptar.
Bettel e përshëndet Ramën në mënyrë mjaft miqësore dhe afrohet që ta takojë, por Kreu i Qeverisë shqiptare largohet nis të futet brenda bashkë me homologun e tij holandez, Mark Rutte.
Këtu nis një tjetër moment pikant! Rama i drejton dorën Ruttes që të futet ai i pari, por ky i fundit bën të njëjtën gjë.
“Futu ti i pari”; “Jo, jo”; “Futu ti,”- dëgjohet në sfond, ndërsa momenti u shoqërua me të qeshura.
Pamjet tregojnë edhe momentin kur të gjithë liderët realizojnë foton e përbashkët para nisjes së samitit, ndërsa pas fotos Rama shihet duke folur me Presidentin e Francës, Emmanuel Macron.
Nuk dihet çfarë kanë diskutuar Rama me Macron, por në fokus të këtij samiti është integrimi i gjashtë vendeve të Ballkanit Perëndimor në Bashkimin Evropian.
g.kosovari
