Kryeministri Edi Rama ka publikuar në rrjetin social Facebook pamje nga shkolla e rilindur “Emin Duraku” në Tiranë.
Kreu i qeverisë shkruan se shkolla ka hapur dyert për 1400 nxënës sipas standardeve të Bashkimit Evropian.
“MIRËMËNGJES dhe me shkollën e rilindur “Emin Duraku” në Tiranë, që ka hapur dyert për 1400 nxënës sipas standardeve të BE, ju uroj një javë të mbarë”, shkruan Rama.
Kjo shkollë, e cila gjithashtu u dëmtua nga tërmeti, ka tashmë 51 klasa, 6 laboratorë, bibliotekë, si dhe dy palestra, të cilat mund të përdoren nga fëmijët jashtë orarit mësimor.
Projekti i financuar nga Bashkimi Europian dhe UNDP, falë Programit “EU4Schools”, sjell standardet më të mira të infrastrukturës arsimore dhe sigurisë, si edhe hapësira të mjaftueshme që mund të përdoren nga fëmijët jashtë orarit mësimor.
Të pranishëm në përurimin e shkollës ishin kryetari i Bashkisë së Tiranës, Erion Veliaj, ministrja e Arsimit dhe e Sportit, Ogerta Manastirliu, shefi i Seksionit Politik pranë Delegacionit të BE-së, Andre Rizzo, Përfaqësuesja e Përhershme e UNDP-së, Monica Merino, ministrja e Shtetit për Sipërmarrjen dhe Klimën e Biznesit, Delina Ibrahimaj, dhe përfaqësues të institucioneve qendrore e vendore, nxënës, mësues etj.
/a.r
