Kryeministri i Shqipërisë Edi Rama ishte i ftuar mbrëmjen e djeshme në një emision televiziv në Kosovë dhe duket se deklaratat e tij i kanë pëlqyer shumë lexuesve. Të paktën kështu duket nga komentet e tyre poshtë fotos që vetë kryeministri e ka zgjedhur si “Photo of the day”.Aty ai shfaqet duke i puthur dorën një pianisteje të vogël të Liceut Artistik, por më shumë se sa fotoja komentuesve iu ka bërë përshtypje debati i tij në televizionin kosovar për takimet në Serbi me homologun Vuçiç. Të shumtë janë ata që thonë se mbrëmë kryeministri iu dha mësim analistëve të Kosovës. “Kosova është sot shtet, Serbia ka humbur dhe është e detyruar të bashkëjetojë me këtë fakt monumental të paimagjinueshëm për ta deri dje dhe sot të papranueshëm, por të pashmangshëm që e ka në kufi”, ka pohuar Rama mbrëmë. ma.me
