Kryeministri Edi Rama ka pritur sot pasdite në takim krerët e partive politike shqiptare në Maqedoninë e Veriut.
Në takim janë të pranishëm kreu i BDI-së, Ali Mehmeti, kreu i partisë Aleanca për Shqiptarët, Arben Tarvari, kreu i Partisë Demokratike Shqiptare, Menduh Thaçi dhe ai i Alternativës, Afrim Gashi.
Takimi zhvillohet në vilën qeveritare pranë Kryesisë së Kuvendit në Tiranë.
Ndërkohë kreu i partisë “Besa”, Bilal Kasami refuzoi ftesën e kreut të qeverisë shqiptare. Në një prononcim për mediat maqedonase, ai tha se nuk ulet në një tryezë të përbashkët me Ali Mehmetin./m.j
