Kryeministri Rama e ka nisur mëngjesin e sotëm me një postim në Facebook teksa ka publikuar një foto nga Ura e Bunës.
Drejtuar përdoruesve të rrjetit social, Rama thotë se fotografia në fjalë tregon një pamje të trishtueshme. Sipas Ramës, mjaftojnë sytë e dashurisë për Shkodrën që ura të riparohet.
Ditë më parë, kryeministri bëri kontrastin mes punëve të qeverisë në Shkodër dhe investimeve të bashkisë. Rama tha se mjafton të shohësh stadiumin “Loro Boriçi” dhe Urën e Bunës për të kuptuar se kush po punon në Shkodër.
“Kjo është Ura e Bunës dhe i lutem çdo shkodrani që e sheh, t’ia çojë këtë pamje të trishtueshme kryebashkiakes dhe t’i thotë se nuk duhen lekë, po mjaftojnë sytë e dashurisë për Shkodrën, për ta riparuar brenda muajit! Veç mos i thoni që ju thashë unë, se e shkreta Voltanë mendon se sa më shumë të rrënohet Shkodra, aq më shumë do t’i urrejë socialistët ✌ #VajmedetpërShkodrën” – shkruan sot Rama.
/javanews/b.d
