Kryeministri Edi Rama ka mbajtur fjalën e tij në takimin me vajza e djem fitues të programit të startup-eve për vitin 2025 dhe aplikantëve për vitin 2026 në qytetin e Elbasanit.
Rama i ka dhënë edhe disa porosi të rinjve të Elbasanit, ku u shpreh se duke përdorur teknologjinë ata mund të bëhen edhe si Steve Jobs, duke shtuar se është vetëm çështje vullneti.
“Unë nuk kam parë ndonjëherë me sy hapur ëndrrën që do bëhem këngëtar, sepse nuk ka pasur kushte mendja që ta prodhojë këtë ide, por ti me sy hapur shikon që mund të dalësh në një majë, është vetëm çështje vullneti dhe force për të dalë. Të gjithë shohin ëndrra, por jo të gjithë i realizojnë, sepse nuk janë të gatshëm të bëjnë sakrifica për t’i realizuar. Të gjithë kanë mundësinë të bëhen Steve Jobs-i i radhës.
Mundësia për t’ia dalë sot, falë teknologjisë, është po aq e jashtëzakonshme sa shpejtësia e teknologjisë. Mos e harroni, mbajeni parasysh sa herë mendoni se çfarë do bëni nesër. Ju që jeni këtu jeni sepse, në një mënyrë ose një tjetër, besoni te kjo fushë”, u shpreh Rama.
