Kryeministri Edi Rama i është përgjigjur një komentuesi në rrjetet sociale lidhur me ndërtimin e hidriocentraleve në zonën e Valbonës. Kryeministri u pyet në rrjetet sociale për arsyen e mosndërhyrjes së qeverisë për të prishur kontratat e firmosura nga qeveria “Berisha”.
Komentuesi: E vertete qe HEC-et jane firmosur ne kohen e Berishes, por kjo smund te jete alibi per ju…. Shumica ju votoi pikerisht se nuk donte te qeverisej me nga Berisha e vendimet e tij. Ndaj, nese doni te mbeteni ne histori, duhet te prishni kontratat me perfaqesuesit e HEC-eve ne Valbone, e, madje le t’i demshperbleni nga taksat tona, nese vetem kjo eshte zgjidhja. Me mire te na ikin ca leke duke mbrojtur Valbonen, se sa te shkojne ne xhepat e politikaneve… Artistet dhe populli jane bashke: Mos ma prek Valbonen!
Rama u përgjigj: “Kemi anulluar plot e plot, por jo pasi janë mbyllur kontratat, sepse për një kontratë të mbyllur, shteti duhet të paguajë në arbitrazhe ndërkombëtare shumë më tepër se sa çfarë mund ta imagjinosh në ëndrrën më të keqe”, ishte përgjigja e Ramës për qytetarin”. /Ora/
