Në studion e emisionit “Të Paekspozuarit”, kryeministri Edi Rama dhe detaje mbi takimet me ish-agjentin e FBI-së, Charles McGonigal. Rama tha se fillimisht e ka pritur McGonigal në zyrën e vet, me kërkesën e tij, ndërsa më pas marrëdhënia ka marrë ngjyresa më miqësore, duke sjellë takime informale.
Janë pesë takime. Kam bërë dhe një takim në shtator pas asamblesë së OKB. Ai ka ardhur në zyrën time, ka kërkuar takim. Kemi folur herën e parë për çështje të rajonit, të Shqipërisë, me fokus nga pikëpamja e peshës së Rusisë në rajon dhe rrezikun e penetrimit. Kur kam vajtur në Nju-Jork më ka ftuar në zyrën e tij dhe kemi diskutuar në të njëjtat fusha. Takimi tjetër nuk ka qenë më takim zyrtar. Ai ka ardhur dhe më ka thënë jam në Tiranë, nëse ke kohë, pimë kafe. Në Amerikë kur kam vajtur më ka begenisur si mik dhe nuk kemi pasur axhendë specifike.
Rama sqaroi edhe një prej pikave të dosjes së paraqitur në gjykatën e Manhatanit nga prokurorët federalë, ku thuhet se ish zyrtari amerikan e ka paralajmëruar Ramën që të ishte i kujdesshëm për dhënien e licencave për shpimin e vendburimeve të naftës në Shqipëri për kompanitë ruse.
Licenca për shpimin e fushave të naftës. E gjithë kjo përfolje lidhet me dy komani, të cilat kanë marrë peshqesh në kohën e qeverisë së mëparshme fusha nafte. Në periudhën tonë nuk kemi prishur gjë sepse nuk ka pasur kontratë të lidhur. Por ne nuk kemi dhënë asnjë fushë nafte pa garë ndërkombëtare. Sot nuk ka një kompani që zotëron ndonjë fushë. Është një histori e çmendur. Ai vetë më mua ka folur në parim dhe nuk më ka ndikuar “shiko se është kjo kompania”.
Ne nuk kemi pasur një proces ku as kemi hequr dhe kemi dhënë ne peshqesh siç është bërë në të kaluarën. Ju nuk ju duhet të rrëmoni shumë, por një rrëmim i lehtë të nxjerr ku po them. Janë të dyja kompani që kanë marrë fusha nafte pa garë nga qeveria.
/a.r
