Kryeministri Edi Rama njoftoi përjashtimin e deputetit të Kurbinit, Gjetan Gjetani nga grupi parlamentar i PS, pas akuzave të këtij të fundit ndaj Policisë së Shtetit.
“Nuk po e shoh këtu dhe ka bërë shumë mirë që nuk ka ardhur. Deputeti i PS i Kurbinit duhet përjashtuar nga PS. Kërkon ekskluzivet të vendosë shefa policish në Kurbin, e më pas del e flet kundër punës së Policisë së Shtetit. Ai nuk duhet të jetë më deputet i PS. Nuk ka bërë asgjë vecse ka bërë presion për të futur në punë njerëz dhe del e sulmon policinë“, tha Rama gjatë Asamblesë
“Në djall vaftë pushteti ynë nëse duhet të durojmë të tilla sjellje vetëm për numra”, tha Kryeministri
Deputeti i PS, gjatë ditës së djeshme sulmoi policinë. Në një reagim pas dy vrasejeve në Kurbin, Gjetani deklaroi se policia e Kurbinit drejtohet nga ordinerë dhe do dalë në protestë.
“Ngjarjet e fundit të ndodhura në Kurbin, më kanë shqetësuar shumë. Duke bërë që në Kurbin, mos ndihemi të sigurtë.
Eksploviz, kërcënim me armë dhe vrasjen e dy të rinjëve tregon që policia ëhstë hallkë shtetërore shumë e paaftë. Kjo tregon se në Kurbin kanë sjellë oficera dhe drejtues policie të paaftë, të korruptuar dhe ordinera.
Si deputet i kësaj zonë kam pas ankesa të shumtë nga qytetarët të cilat do ti ëj publike në parlament.
Brenda muajit shtator do kërkoj interpelancë me ministrin e brendshëm dhe nqs nuk do të marrë masa për pastrimin e komisariatit të plolicisë Kurbin, unë i pari do ngrihem në protestë, duke kërkuar mbështetjen e të gjithë qytetarëve të Kurbinit pa marrë parasysh ngjyrat politike”, shprehej Gjetan Gjetani
Autokritika e Ramës: Jemi larg së qenit Parti Socialiste!
Kryeministri Edi Rama njëherësh kreu i të majtëve, nga Asambleja Kombëtare e Partisë Socialiste nuk i kurseu kritikat për drejtuesit e selisë rozë nëpër rrethe.
“Fushata e llogaridhënies ishte shumë e domosdoshme, pasi morëm mësime të vlefshme nga komunikimi me qytetarët. Deputetë, ministra, kryebashkiakë u angazhuan të gjithë në komunikim me njërëzit. Partia në territor është larg së qenit për sfidat që kemi përpara.Shumica e drejtuesve tanë në territor e kanë braktisur detyrën e tyre në territor. Lufta për të çuar tepsinë për skrap, nuk është propagandistike, por është një luftë me një sistëm që e ka penguar Shqipërinë të bëhet shteti që shqiptarët e kanë merituar prej vitesh. ka shumë paqe me këtë mendësi dhe kjo paqe duhet të prishet sesbën. Shqipëria nuk e ka luksin të lërë jashtë mundësive për të shërbyer njerëz me potenciale. Shteti nuk është fole ekskluzive për njerëz për të marrë rrogën. Askush nuk u ka kërkuar kryetarëve të PS në tërritor që të jenë shefa kuadri. është e pamundur që të takosh krerët e PS në territor dhe të kesh bisedë tjetër përveç punësimeve në shtet“, deklaroi kryeministri
Rama: Riformatim strukturës së PS! Partia do bëhet me çdo kusht!
Rama theksoi se është koha për të riformatuar të gjithë strukturën e Partisë Socialiste.
“Është koha për ta riformuar të gjithë strukturën e PS. Është kjo të shtojmë burime të reja njerëzore, organizatat të marrin formën dhe përmbajtjen e kohës që jetojmë. Më të mirët të jenë pjesë e jona. Më të mirët pa dallim, pa ngjyra, pa histori, duhet të bëhen pjesë e jona. Nuk është çështja të bëjmë numra, e të regjistrojmë familjen e të bëhemi një organizatë familjare. Na duhen njerëzit që kanë dicka për të thënë. Na duhet një hapje zemre e madhe e vërtetë dhe e besuar nga secili prej nesh. Teatrin e disa kryetarëve partie që mbushin lista, ne nuk mund ta pranojmë. Duhet nisur një punë në harmoni të plotë me deputetet të cilëve iu bëj një thirrje shumë të fortë: Jeni atje për të gjithë! PS duhet të jetë dhe do të bëhet me çdo kusht ose do të dështojë. “Hallin që s’ma zgjidh të paktën ma qaj”. Ky duhet të jetë motivi i të gjithëve”, u shpreh kryeministri.
Javanews/a.ç
