Kryeministri Edi Rama ka reaguar shpejt për ngjarjen e sotme në Bularat, ku një 35-vjeçar u vra nga forcat RENEA pasi qëlloi këtë mëngjes mbi policinë. Kryeministri fton fqinjët ta shohin me qetësi këtë incident.
“Fqinj të dashur! Në vend ta quani të papranueshme humbjen e jetës së një të fandaksuri që qëlloi me plumba luftarakë mbi policinë tonë, e cila bëri vetëm detyrën e saj, bashkohuni me ne në falenderimin e Zotit që asnjë jetë e pafajshme nuk humbi sot nga marrëzia ekstremiste”, shkruan Rama në Twitter.
