Opozita e braktisi sallën e parlamentit sapo kryeministri Rama doli në foltore, por për shefin e qeverisë, prania e tyre nuk i shton asgjë sallës së parlamentit. Rama akuzoi opozitën se po eksporton baltë nëpër BE dhe se baltën opozitare e dëgjoi edhe në bundestagun gjerman.
Rama tha se kjo opozitë është ‘vari llamarinat’ dhe sa për këtë opozitë, PS qëndron 1 mijë vjet në pushtet.
“Opozita eksporton kodra dhe male me baltë kundër Shqipërisë. Profesori thotë se paska thënë Gjermania se pa u fut në burg Tahirin nuk ka të ardhme për Shqipërinë. Diskutimi i vetëm në Bundestag për Shqipërinë, ishte pjesë ku dëgjova gjermanisht ato që kemi dëgjuar këtu shqip për katër vjet. Balta e eksportuar nga Tirana ka mbërritur në Bundestag. Këta janë baba i rrenës dha nëna e shpifjes dhe historitë e tyre nuk kanë lidhje me të vërtetën. Në asnjë rast dhe për asnjë arsye, një vend si Gjermania, nuk mund të jetë kurrë një burim budallalleqesh siç është opozita. Morem rekomandimin pozitiv për të çelur negociatat pa kushte. Për opozitën PS qëndron 1 mijë vjet në pushtet. Opozita ka vizion baltën, program çizmet dhe miellin, kjo opozitë është vari llamarinat dhe sa për këtë opozitë, PS qëndron 1 mijë vjet në pushtet“, deklaroi Rama
Javanews.al/a.ç
