Shqipëria pret që BE-ja ta zgjidhë çështjen e refugjatëve dhe që ajo të mos i lihet në derë Turqisë dhe Evropës Juglindore. “Ballkani Perëndimor i ka treguar europianëve se shumë vende të BE-së kanë shfaqur një imazh të turpshëm në menaxhimin e krizës së emigrantëve”, është shprehur kryeministri i Shqipërisë Edi Rama në një intervistë të dhën në Tiranë për gazetën gjermane Frankfurter Allgemeine Zeitung.
Rama tha se Shqipëria ka ofruar strehim të refugjatëve, por parakusht për këtë është një politikë e harmonizuar ndërkombëtare e migrimit. Kryeministri Rama i ka bërë thirrje Bashkimit Europian që të angazhohet më shumë për t’u ballafaquar me dramën e refugjatëve dhe të mos ua lëre punën faktorëve anësorë si Turqia dhe vendet e Europës Juglindore.
“Ballkani perëndimor është treguar më europian se shumë vende anëtare të BE-së, të cilat gjatë krizës së emigrantëve kanë ofruar një pamje të turpshme», tha Rama. Sipas tij Maqedonia dhe Serbia kanë regjistruar, transportuar dhe furnizuar me ushqime qindra-mijëra emigrantë gjatë rrugës së tyre drejt BE-së. Rama tha se Serbia dhe Maqedonia e kanë bërë këtë ndonëse nuk janë anëtare të BE-së dhe refugjatët së pari kanë hyrë në Greqi, domethënë në hapësirën e Schengenit.
Pasi hyjnë në Greqi, pra në BE, ata shkojnë në Maqedoni, më pas në Serbi dhe më pas shkelin në Kroaci dhe Slloveni, pra sërish në dy vende të BE-së. “Kjo tregon dobësinë dhe fragmentimin e Evropës”, kritikoi Rama. “Por nuk mund ta vazhdojë më kështu, rruga e Ballkanit ëhstë mbyllur”.
Një marrëveshje me Turqinë për kthimin e emigrantëve ilegalë në vend të atyre legalë sapo ëështë arritur me Turqinë. “Marrëveshjet duhet të ishin bërë shumë më parë. Europa ka nevojë urgjente për to sepse kriza nuk e ka arritur ende pikun e saj”, tha kryeministri shqiptar me rastin e negociatave BE-Turqi në Bruksel. Rama i çmoi në mënyrë të drejtëpërdrejtë përpjekjet e kancelares gjermane. “Për fatë të mirë është Angela Merkel. Pa qasjen e saj për të arritur një marrëveshje me Turqinë, çështja do të kishte njohur zhvillime shumë më të këqija”.
