Në komunikimin e përjavshëm në facebook, kryeministri Rama ka deklaruar se PD është braktisur nga SHBA-BE dhe shqiptarët. Një ditë pas protestës së 13 majit, duke iu referuar edhe letrës së komisionerit Hahn, Rama tha se e vetmja gjë me rëndësi këto ditë është mesazhi i ndërkombëtarëve sipas të cilëve, zhbllokimi i Vetting-ut do të vendosë fatin evropian të Shqipërisë.
“Kjo që kaloi ishte një javë shumë kuptimplotë për Shqipërinë që duam. Letra e Hahn , moment kulmor i marrëdhënieve të BE me popullin tonë. Hahn u përpoq të bindë PD të kthehet në rrugën e zgjedhjeve. Nuk ja vlen të flasim për ata që ndodhi, por për rëndësinë e letrës së Hahn, si shprehje e paekuivoke e BE për të mos lejuar ngecjen e Shqipërisë. Mesazhi i SHBA-BE shumë i qartë, zhbllokimi i vettingut do të vendosë fatin e Shqipërisë. Bllofi i PD se nëse nuk futet në zgjedhje, Shqipëria kthehet pas, nuk ka funksionuar. PD po humb terren dhe demokratët po e braktisin liderin e tyre dhe grupin e politikanëve në një bunker prej plasmasi. Jashtë vendit, PD-së i janë ndërprerë të gjitha kontaktet serioze. Askush nuk merret më me PD, dhe s’ka ngelur forcë e madhe në Europë që të kuptojë që PD është avokatja e fundit e sistemit të vjetër të drejtësisë. Kurrën e kurrës nuk do të jetë shansi i askujt për të marrë peng zgjedhjet,”, tha Rama.
Kryeministri deklaroi se qëndrimi i prerë dhe në bllok i BE është në mbrojtje të zgjedhjeve të 18 qershorit.
“Demokracia është mundësia e gjithkujt për të marrë pjëse në zgjedhje, por jo shansi i dikujt për të marrë peng zgjedhjet. Qëndrimi i prerë në bllok i BE në mbrotje të zgjedhjeve të 18 qershorit. Evropa i ka vlerësuar reformat dhe efektet e tyre në këto vite qeverisje”, tha Rama.
Rama deklaroi se PD nuk ka shans të bllokoje as zgjedhjet e 18 qershorit, as vettingun dhe as rrugëtimin ne qeverisë. “Parlamenti i parë pa PD-në do të zhbllokoje mënjehere vettingun”, tha Rama.
“PD nuk ka shans të bllokoje as zgjedhjet e 18 qershorit, as vettingun dhe as rrugëtimin ne qeverisë. Parlamenti i parë pa PD-në do të zhbllokoje mënjehere vettingun. 18 qershori të kthehet në ditën e agimit të drejtësisë së re. Pas 18 qershorit vendi hyn në një cikël të ri ekonomik. Kjo fushatë zgjedhore është e pazakonshme, zhvillohet mes atyre që i duan zgjedhjet dhe atyre që nuk i duan, mes atyre që duan shtet dhe atyre që duan rrëmujë. PD është gati që ta rindaje edhe njëhere vendin nga Evropa”, tha Rama.
Kryeministri u beri thirrje shqiptareve qe te marrin pjese te gjithe ne votime.
“Kjo fushatë në thelb është vendimtare për historinë tonë, pasi luhen interesat e mëdha të Shqipërisë. Zgjedhjet e 18 qershorit, rëndësi strategjike. Të gjithë të marrin pjesë në zgjedhjet, për të vendosur fatin evropian të Shqipërisë që duam.”, deklaroi kryeministri/javanews.al/a.ç
