Lëvizja Socialiste për Integrim ka komentuar 9 bashkitë e fituara në këto zgjedhje vendore. Në një prononcim për mediat, Sekretari i Përgjithshëm i LSI Luan Rama tha se këto bashki do të shndërrohen në modele të shërbimit ndaj qytetarëve dhe të mbajtjes së pretimeve.
Rama, paralajmëroi një rezultat spektakolar të LSI në këshilla, duke thënë se ata janë forcë e parë në shumë këshilla.
Por Rama nuk u ndal me kaq, duke shprehur shqetësimin në lidhje me bashkinë e Pogradecit ku hodhi dyshimin për pazare.
“Do ta vlerësojmë maksimalisht rezultatin, do lexojmë me shumë përgjegjësi çdo votë pro dhe çdo votë kundër. Pazari i bërë në Bashkinë e Pogradecit ia kaloi edhe pazarit të famshëm të Roskovecit,” tha Rama.
Më herët LSI kishte spekuluar se kandidati i PD për Pogradecin kishte kërkuar të kandidonte për ta.
