Kryeministri Edi Rama ishte sot në Progër të Korçës ku zhvilloi një takjim me fermerët. Gjatë fjalës së mbajtur ai deklaroi se sot situata është më e qetë pas mbylljes së protestës së opozitës. Por ai tha se PD është ende e rrezikshme për vendin, pasi sipas tij nuk ka vizion dhe asnjë projekt. Rama tha se vota për PD është në dëm të vendit.
“Situata është shumë më ndryshe se 48 orë. Do të kemi përballë Partinë Demokratike. Pavarësisht se hyri në zgjedhje, PD është rrezik. Ajo që PD ka treguar historikisht ka qenë që nuk dinë të bëjnë shtet, dinë vetëm ta çmontojnë shtetin. Ajo që kemi për të humbur nëse kthehemi prapa është katastrofë”, tha Rama.
Rama tha më tej se tashmë Vettingu do të votohet nga të gjithë. Ai tha se situata e kaluar duhet të shërbejë si mësim.
“Dolën nga plepat gjyqtarët me hanxhar në dorë. 8 mijë konflikte pronësie, me pasojë nga vdekja, te konfliktet fizike. Luftë, të palgosur, të vrarë, të grushtuar, onflikte fizike, të regjistruara në gjykatë. Vettingu u BË, do votohet, dhe do ta votojnë të gjithë. Por këto janë mësime. Këtu nuk është puna se kush e ka fajin, secili e di kush e ka fajin”, tha ai.
Ai sfidoi partitë e tjera për garën elektorale. Rama tha se të gjtihë duan të dalin të parët, por PS sipas tij do sigurojë 71 mandate.
“Të gjithë duan të dalin të parët, Lsi do të dalë e para, edhe PD. Ne jemi të parët. Të tjerët duan të dalin të parët ne duam të marrim 71 vota”, tha kryeministri.
Ai komentoi në lidhje me politikën konfliktuale duke bërë një paralelizëm. Rama kujtoi përplasjet e ashpra në parlament dhe gjuhën e përdorur atje.
“Nuk na e ka borxh asnjë prind, që sa herë shikon parlamentin do duhet të vendosë pullën e kuqe sikur të jetë film pornografik”, tha ai.
Rama deklaroi se PS në mandatin e parë ka hedhur bazat për të hedhur hapat e mëdhenj në mandatin e ardhshëm.
“Ky mandat, është mandati i vendosjes së themeleve, shtëpia që ne duam, Shqiëpria që ne duam ëhstë për t’u ndërtuar mandatin e ardhshëm dhe sigurisht një hapësirë të rëndësishme ka fshati, bujqësia në fshat, dhe patjetër edhe format e reja të zhvillimit që vijnë si rezultat i Shqipërisë turisikte me fshatin që jo vetëm prodhon por ofron edhe kapacitete për turizmin”, deklaroi Rama./a.m.
