Në mbyllje të fjalës së ministrave gjatë Asamblesë Kombëtare të PS-së, Kryeministri Edi Rama ka folur me tone të rrepta për atë që i duhet tashmë qeverisë së re. Ai ka njoftiar nisjen e nje operacioni te dyte te madh, pas atij kunder kanabisit, operacionin kombëtar kundër rrjeteve kriminale.
Duke folur për prezantimin e prioriteteve nga ana e ministrave, Rama ka theksuar ato që duhen specifikuar dhe se cfarë do të bëhet në vijim.
“Këtu u bë një pasqyrë e mirëdetajuar e ambicies për këto 100 ditë të para dhe do të nënvizoja faktin që në këto 100 ditë duhet të përcaktojmë edhe të kalibrojmë shënjestrën për çeljen e negociatave për anëtarësim në BE për vitin që vjen, të përcaktojmë ecurinë e metejshme të këtyre 4 viteve për marrëdhëniet preferenciale dhe strategjike me Kosovën dhe rajonin, duhet të përcaktojmë kornizën brenda së cilës do të ngrihet procesi i regjistrimit të shqiptarëve jashtë atdheut në funksion të përfshirjes në vendimmarrje si janë zgjedhjet.
Duhet të vazhdojmë përpjekjet për të cliruar përditë gjatë cdo dite nga barra e burokracisë e procedurave, sorollatjeve ryshfeteve dhe shërbimeve konsullore do të pësojnë transformimin në këtë aspekt me 40% më pak barrë dokumentesh, të lancojmë diplomacinë ekonomike si një qasje të re dhe funksion të ri në raport me ekonominë tonë nga shërbimi i jashtëm.
Të përcaktojmë kornizën e Vetingut në policinë e shtetit për të hyrë deri në qelizë me një terapi agresive ndaj kancerit të inkriminimit të policisë në vite të tëra dhe të lancojmë operacionin kombëtar kundër rrjeteve kriminale si një fazë të dytë të operacionit kriminal që po mbyllet me sukses në ditët në vijim për crrënjosjen e kanabisit nga toka jonë dhe harta e vendeve ku kultivohet lëndë narkotike.
Kryeministri nga Asambleja ka leshuar akzua te forta ndaj ish-drejtuesve te LSI gjate kohes qe qeverisen se bashku, ne lidhje me shperndarjen e patentave te shofereve, si dhe ate cfare kane bere ne burgje.
“Kanë pajisur me armë gjithë ata njërëz që mund të kthehen ne vrasës, pasi që nuk janë në gjendje që ta drejtojnë mjetin në mënyrën e duhur. Kjo do të marrë fund”.
Rama ka numeruar sipas tij llumin e madh ne burgje dhe hipoteka,m ne te cilat do te behet qilizem, nderkohe qe pergjegjesit per llumin do te dalin para ligjit.
“Kemi pasur llum kriminal dhe shtetëror në burgje dhe hipoteka. Në katër vitet e shkuara llumi ka arritur në nivele të papërfytyrueshëm, do bëjmë qilizëm dhe do i bëjmë thirrje gjithë forcave të afta të ndërgjegjshme, nga ushtarakët në lirim që të bëhen pjesë e procesit e nuk do ketë emërim partie në burgje, asnjë veteriner, masazhator e këngëtar që prezantohet si polic burgu, j i keni tundur zgjedhësve listat e bëra nga partia që kishte burgjet, mbushur lista me këngëtarë, masazhatorë, me lloj lloj njerëzish, kemi gjetur këngëtar dhe në asgjencinë e burimeve natyrore, këngëtarë të dështuar dhe hipotekat janë një tjetër llum i madh”- tha ai.
Nga ana tjetër Rama ka folur lidhur me reformën e arsimit të Lartë ku është shprehur: “Sot është një nga ditët e fundit që do të fillojë universiteti. Keni dëgjuar ndonjë prind apo ndonjë student që të ankohet? Tani është qetësi e plotë. Kjo tregon se sa e rëndësishme ishte reforma që morëm në arsimin e lartë”.
