Kryeministri Edi Rama gjatë një konferencë për median bëri të ditur vendimet e marra nga Këshilli i Ministrave për rindërtimin e banesave të prekur nga tërmeti i fuqishëm që preku Shqipërinë më 21 shtator.
Rama tha se do të jepet leje falas për ata që do të bëjnë ndërhyrje në banesa.
“Kemi vendosur të bëjmë një përshpejtim të lejeve. Ka një numër të konsiderueshme familjes që duan të bëjnë ndërhyrjet përkatëse aty ku e kanë të mundur, madje ka familje që kanë kërkuar që tu lehtësohet procedura. Këta jo vetëm që do të marrin leje pa paguar asnjë taksë, por do ta marrin lejen brenda 5 ditësh”, tha kryeministri.
Për ndërtimet kolektive, Rama tha se leje do te jepet me policën e sigurimit.
“Nuk do të jepet leje ndërtimi pa policën e sigurimit. Ata duhet ta disponojnë që në fillim arkitektët. Policën duhet ta depozitojë investitori në dosjen kur kërkon lejen dhe detyrimin për kompanitë e sigurimit që të garantojnë zbatimin e sakte dhe pa shkelje të lejes”, u shpreh Rama.
Kreu i qeverisë theksoi se goditja sizmike nuk ka dhënë impakt në godinat e reja. Sipas Ramës ka pasur dyshim se në gjithë këtë zhvillim të 30 vite për shkak edhe të shumë abuzimeve dhe shumë shkeljeve në lejet e ndërtimit të bëra do të kishim një vunerabilitet të konsiderueshëm në rast të një tërmeti.
“Për fat të mirë godinat kanë kaluar një tekst me sukses, sepse të gjitha dëmet, qoftë të konsiderueshme, qoftë sipërfaqësore, janë regjistruar në godina të vjetra, apo në shtesa të godinave të vjetra, apo godina të viteve ’90. Në periudhën e mëpastajme nuk janë shënuar dëme, qoftë edhe sipërfaqësore, Ku ësht ënjë lajm i mirë në gjithë morinë e vështirësisë së madhe që kemi kaluar, dhe pasojave që duhet të përballojmë“, tha Rama.
g.kosovari
