Kryeministri Edi Rama mori pjesë sot në një takim me nxënësit e ekeselencës të cilëve u shprehu respekt për rezultatin që arritën në renditjen e barometrit global të arsimit PISA 2015.
Rama u shpreh se “Sikur edhe reforma në arsim, ashtu si edhe reformat e tjera të ishin bërë 25 vite më parë, sot do të ishim duke bërë një diskutim krejt tjetër”.
Kryeministri Rama u shpreh se, sistemi i vjetër është tradhti ndaj gjeneratës së re
“Por asnjëherë nuk është vonë”’, tha Rama, duke shtuar, “se nëse gjenerata e atyre që rrëzuan sistemin sot mund të quhet gjeneratë e tradhtuar, gjenerata juaj mund të quhet jo e tradhëtuar, por të ketë mjete të siguruara nga dija që do t’i japin ndryshimin botës. Sepse ndryshimi i botës fillon nga ndryshimi që i bën shtëpisë tënde, jetës tënde në radhë të parë”.
Duke iu drejtuar nxënësve të ekselencës, Rama tha se, “me siguri ka nga ju që kanë prindër të papunë”, por shtoi kreu i qeverisë, “e ardhmja përmes dijes do të jetë më e mirë se ajo e prindërve tuaj”
“Ju jeni model frymëzimi dhe suksesi për mua”, iu drejtua Rama nxënësve. Kryeministri shtoi se, “ndryshimi i sistemit që ka nisur në arsim ka filluar të japë rezultate. Do të vazhdojmë rrugën e Reformës në Arsim për të arritur në të tilla rezultate”. /b.d
