Preç Zogaj, i ftuar në emisionin “Të Paekspozuarit” në MCN TV, ka folur për hetimet e SPAK ndaj Erion Veliajt.
Zogaj tha se hetimet janë komplekse ndaj SPAK nuk duhet kritikuar që po merr kohë, por shtoi se nëse Veliaj përjashtohet nga hetimi, kjo do të cënonte vetë SPAK-un.
“Krimi dhe korrupsioni është sofistikuar shumë, duke ndjerë rrezikun kanë sofistikuar mënyrën e fsheshjes dhe sofistikimit të abuzimit, duke krijuar ishuj gjithandej. Nuk është e kollajtë, të vëmë nota, të bëjmë analiza. Hetimi dhe prova janë të vështira. SPAK po i përgjigjet sofistikimit të korrupsionit në sferat e larta dhe krimit, me rritjen e cilësisë së hetimit.
Kjo e ka marrë përgjigjen, Rama nuk kontrollon gjë në tërësinë e SPAK. Mund të ketë aty prokurorë që kanë lidhje me PS dhe lloj lloj lidhjesh, por ai është i ndrtuar si një korporatë, ku kushdo që mund ti shpëtojë rrjetës së parë, apo edhe të dytës, nuk shpëton në fund të herës. Mund te jetë edhe rasti i fundit. Edhe ata që janë brenda dhe nuk e kanë kuptuar, kanë filluar ta kuptojnë. I vetmi subjekt që posedon mbi SPAK asistencë dhe inkurajim, janë SHBA-të.
Të gjithë bëjnë përpjekje se janë të trembur. Edhe Rama bën perpjekje. I gjithë lidershipi politik, natë dhe ditë përpiqet dhe vret mendjen se si të ndalohet SPAK, si të orientohen hetimet.
Vijmë te rasti Veliaj. Rasti i kompanisë 5D dhe korrupsionit në Bashki, është i tillë që përjashtimi i Erion Velisë nga ky hetim kompleks e cënon SPAK-un, për të mos thënë ndonjë gjë më të rëndë. Kam qenë optimist.
Krerët kanë gjetur një mënyrë, të emëruarit e tyre, janë zhytur në korrupsion, por në korrupsion masiv. Këta të Bashkisë, duke qenë se kanë ardhur nga OJQ, kanë përshtatur këto parime edhe në punët publike.
Në OJQ administronin vetë ata fondet, kanë menduar po administrojmë edhe këto këtu.
Në qeveri po kështu. Këta që i emërojnë ose janë syleshë ose marrin pjesën. Logjika më çon që këta marrin pjesën kudo. SPAK në dallim nga ne, ka detyrë dhe mision të gjejë provën. Prova gjendet nga e vogla te e madhja”, tha Zogaj.
