Kryeministri Edi Rama ka njoftuar ka njoftuar një konferencë për shtyp. Mediat e Kosovës shkruajnë se është anuluar mbledhja mes dy qeverive që pritej të mbahej nesër.
Mbledhja mes dy qeverive, të Kosovës dhe të Shqipërisë, e planifikuar për të mërkurën e 14 qershorit në Gjakovë, duket se është anuluar.
Burime të Klan Kosovës nga Tirana kanë thënë se nuk e kanë në plan që të udhëtojnë për në Prishtinë për këtë mbledhje.
Zëdhënësi i qeverisë së Kosovës, Përparim Kryeziu thotë se mbledhja nuk është anuluar.
Mbledhja nuk është anuluar. Gjithçka është gati në Gjakovë. Kryeministri Kurti tani po merr pjesë në koncertin e sontëm atje të Ansamblit Shota dhe muzikantëve nga Kosova nga Shqipëria që është edhe si uvertyrë për mbledhjen e nesërme. Për anulimin po dëgjojmë tani nga ju”, tha ai.
Ditën e sotme në një konferencë për mediat kurti refuzoi draft statutin e propozuar nga qeveria e Shqipërisë. Kurti tha se Rama atë draft duhet t’ia dorëzojë Aleksandër Vuçiçit për shqiptarët që jetojnë Luginën e Preshevës./m.j
