Kryeministri i vendit, Edi Rama gjatë fjalës që mbajti në takimin e dytë të nivelit të lartë “Shqipëria2030 në BE – Rruga e Reformave” tha se integrimi i vendit në BE është garant i të drejtave dhe lirive njerëzore.
“Ka qenë shumë e rëndësishme puna e këtij komisioni të posaçëm.
Popujt e BE unë them, pjesa perëndimore e përkëdhelur nga fakti se për herë të parë në histori një gjeneratë e tërë nuk ka parë një luftë ose nuk kishte parë një luftë janë vetëdijesuar se BE është edhe një perimetër sigurie, një perimetër sigurie, brenda të cilit vendet dhe popujt që e përbëjnë ndijohen dhe duan të mbeten të pa kërcënuar në të gjitha ata që kanë arritur dhe mbi të gjitha në lirinë e tyre individuale dhe barazinë e tyre përpara ligjit.
Patjetër pastaj edhe në aspekte e tjera, që bëjnë BE një krijesë të jashtëzakonshme politike.
Për ne shqiptarët ka qenë përgjithësisht me e thjeshtë dhe mbetet më e thjeshtë pse-ja e domosdoshmërisë së të qenit anëtarë të BE. Të qenit anëtarë, është të qenit përfundimisht të lirë nga hija e historisë sonë”, tha ai.
