“Familjarët nuk lotuan dot as brenda mureve nga rrebeshi i zi i opozitës”
Kështu tha kryeministri Edi Rama, teksa i ka shprehur ngushëllimet familjarëve të Shkëlzen Qordjas, ish-punonjësit të Gardës që punonte si shofer i ministrit të Brendshëm Fatmir Xhafaj, që u gjet i vdekur dje i vetëvrarë.
Rama tha se këto akuza në një tragjedi të tillë, tregojnë nivelin e ulët të sulmeve politike.
Kryeministri tha se nuk ka fjalë për të komentuar këtë agresion brutal ndaj djalit që u nda nga jeta, pasi opozita e perfshiu në një skenar fantazie makabër për të goditur ministrin e brendshëm
“Ngushëllime të ndjera për gardistin që u nda nga jeta pasi mori një vendim ekstrem dhe befasues për të gjithë ne. Dua të ndaj me familjen të gjithë ndjenjën e keqardhjes për faktin se përtej tragjedisë dhe dhimbjes së një familjeje për djalin, ata nuk mundën të gjejnë qetësinë për të lotuar brenda mureve të shtëpisë, sepse u gjendën nën rrebeshin e zi të sulmeve politike, për të njëjtat arsye të mosarsyes që po dërrmojnë politikën tonë. Agresioni brutal ndaj djalit që u nda nga jeta, përfshirja e tij në një skenar fantazie makabër për të goditur ministrin e brendshëm nuk ka fjalë për të komentuar. Është e neveritshme, e turpshme. Sot kemi një opozitë, pa fe dhe pa atdhe.”, deklaroi Rama
Javanews/a.ç
