Kryeministri Edi Rama ka folur sot nga Vora, ku është prezantuar edhe kandidati Agim Kajmaku.
Duke komentuar deklaratat e Presidentit, Rama u shpreh se 13 Tetori erdhi si datë pasi nuk u pengua dot 30 Qershori.
“Nuk u ndalua dot dhe nuk u vra dot 30 Qershori. Ata e kuptuan qe zgjedhjet i humbën. E kuptuan që loja me kërcënime mbaroi. Lajmi i mirë i datës së re është që më 30 Qershor do të jetë qetësi” – tha Rama në Vorë.
Ai u shpreh se demokratët duhet të votojnë masivisht që t’i japin mesazh Lulzim Bashës për ta ndryshuar Partinë Demokratike.
