Kryeministri Edi Rama ishte sërish sot në terren për të parë nga afër situatën në zonat e përmbytura. Ai ndodhej në Vlorë, që është një prej zonave më të prekura pas daljes nga shtrati të lumit Vjosa.
Rama vizitoi pallatin e Sportit ku janë ngritur shtretër për akomodimin e familjeve të evakuuara nga banesat e pushtuara nga uji.
Rama ka theksuar se me kalimin e krizës ekzekutivi do të forcojë legjislacionin për mbrojtjen e natyrës. “Dhe nuk do të falim më askënd që i shkakton dëme, pasi përfituan nga qeveria teknike”, ka deklaruar Rama.
“Efektivët e Forcave të Armatosura që kanë ardhur këtu kanë bërë një punë të shkëlqyer dhe presim që gjithçka të mbyllet sipas parashikimeve. Megjithëse parashikimet kaluan gjithçka. Gjithë investimet e bëra në argjinatura dhe kanalizime kanë dhënë dorë, por mbi të gjitha dorë na dha angazhimi i të gjithë njerëzve. Unë u jam mirënjohës të gjithëve dhe i falënderoj”, tha Rama.
