Në aktivitetin e 12-vjetorit të lumturimit të Nënë Terezës, kryeministri Rama ka deklaruar se kjo është një ditë që na imponon më shumë mirësi.
“Një ditë që imponon shumë modesti dhe aspak fanfara përkujtimore. Për shumë kohë, Nënë Tereza është përkujtuar në vendin tonë më së shumti e mbështjellë virtualisht me ngjyrat kuq e zi të flamurit. Në gjakun ton lëvron ndoshta ende disi egër dhe e pakultivuar sa do të duhet, ndjenja e vetëmohimit për vëllain dhe motrën në humanitet pa dallim kombësie, etnie apo shtrese sociale, siç na e sjell në një formë të caktuar vllazëria fetare në Shqipëri, dhe nga ana tjetër dëshira për të përqafuar universalen, një dimension që është i pazëvendësueshëm në brendinë e identitetit tonë kombëtar”, tha kryeministri Rama.
