Reforma Zgjedhore duket se është futur në ngërç ende pa nisur punën. Në një intervistë nga SHBA për VOA, kryeministri Edi Rama ka deklaruar se nuk do të pranojë kushtet e PD, pasi tryeza e dialogut nuk mund të jetë e parapërcaktuar.
“PD ka të drejta dhe detyrime të dëgjojë edhe kërkesat e palës tjetër. Nuk mund të ecim në menynë e parapërcaktuar nga PD.
E mirëkuptoj kërkesën e PD, por tryeza e dialogut nuk mund të jetë me një menu të përcaktuar. Ne jemi gati të përfshihemi në reformën zgjedhore, por jo sipas ritmit të PD, por të dakordësuar bashkë” deklaroi ai.
Deklarata e Ramës ishte një përgjigje për Bashën, i cili pak ditë më parë parashtroi tre kushtet e demokratëve për reformën zgjedhore, që ishin votimi dhe numërimi elektronik, reduktimi i rolit të kryetarëve dhe partive, si dhe përfaqësim më të lartë të qytetarëve.
Kryeministri Rama ka sqaruar se përse PS tërhoqi projektligjin për dekoratat dhe dekretin për mbetjet.
“Kryetari i grupit ka qenë i qartë, do të rikthejmë në një diskutim të gjerë këtë temë, që lloj-lloj sharlatanësh kërkojnë që të fitojnë pikë duke mashtruar dhe në respekt në publikut do të marrim kohën e duhur që njerëzit ta kuptojnë që bëhet fjalë për një proces modernizues të Shqipërisë dhe mundësisë për një kapacitet riciklues për mbetjet e gjelbra, si kur e kanë vendet e tjera. Megjithatë nuk ka urgjencë, qentë le të lehin, karvani do të ecë përpara.
Përsa i përket dekoratave, projektligji kërkon një rishikim për ta përmirësuar më shumë atë nisëm ligjore, jam lajme të mira, kur një shumicë e fuqishme ka edhe kapacitetin të reflektojë në funksion të respektit për veten që cdo nisëm të jetë sa më e përsosur” deklaroi ai.
I pyetur për deklaratat e Bashës se marrëveshja e 18 majit ka vdekur, Rama u shpreh se të gjithë duhet të bashkohen për të mirën e vendit, atëherë kur ka nevojë.
“Secili zgjedh qasjen dhe rrugën e vet, por asnjë qasje nuk mund të përjashtojë Shqipërinë, që ka nevojë për të gjithë.
Ne do të këmbëngulim në cdo rast të ftojmë palët e tjera në bashkëpunim në të mirë të vendit, pasi ka humbur shumë kohë me konflikte, që nuk kanë sjellë ndonjë vlerë.
Është koha të bëhemi bashkë për Shqipërinë. Për shumëcka jemi të ndarë do të vazhdojmë që të përplasemi në llogoret tona” përfundoi ai.
Më parë keni fajësuar LSI, tani i keni votat i vetëm për të qeverisur….
Nuk kemi fajësuar persona, apo subjekte të veçanta, unë e kam vlerësuar cka koalicioni i mandatit të parë bëri. Edhe vota e 25 qershorit e nxori në pah, një faqe e re është hapur dhe ne do të bëjmë çmos ta shkruajmë për një ekonomi më të fortë, me më shumë investime të huaja dhe shërbime më dinjitoze për qytetarët.
Ka mosbesim nga Basha, i cili tha marrëveshja e majit ka vdekur…
Secili zgjedh qasjen dhe rrugën e vet, por asnjë qasje uk mund të përjashtojë Shqipërinë, që ka nevojë për të gjithë. Ne do të këmbëngulim në cdo rast të ftojmë palët e tjera në bashkëpunim në të mirë të vendit, pasi ka humbur shumë kohë me konflikte, që nuk kanë sjellë ndonjë vlerë. Është koha të bëhemi bashkë për Shqipërinë. Për shumëcka jemi të ndarë do të vazhdojmë që të përplasemi në llogoret tona.
Qindra banorë në Shkozë po ankohen për shembjen e banesave, ka pakënaqësi…
Shkoza nuk meriton koment deri në Nju Jork, por është një proces si gjithë të tjerat, që të shemben ndërtimet pa leje ku pengohet zhvillimi i infrastrukturës, dhe kush ka ndërtuar pa leje, patjetër që nuk mund të pretendojë që të përkëdhelet, as të dëmshpërblehet dhe as të shpronësohet, por meriton të trajtohet me kujdes duke mos e lënë pa strehë, qera për një periudhë të caktuar derisa të akomodohen me forcat t tyre. Pastaj me historitë me arrogancë nuk kanë vend, shteti ka detyrë t’u shërbejë qytetarëve. Të bësh shtet nuk ka shumë rrugë, rruga është e qartë, por do ketë edhe shqetësime të kësaj natyre, që i përkasin një pakice të vogël.
Zoti Rama, dekreti i Nishanit për ligjin e mbetjeve u fut dhe më pas u tërhoq, cili është plani i qeverisë?
Kryetari i grupit ka qenë i qartë, do të rikthejmë në një diskutim të gjerë këtë temë, që lloj sharlatanësh kërkojnë që të fitojnë pikë duke mashtruar dhe në respekt në publikut do të marrim kohën që njerëzit ta kuptojnë për atë që turbullon, që bëhet fjalë për një proces modernizues të Shqipërisë dhe mundësisë për një kapacitet ricikules për mbetjet e gjelbra, si kur e kanë vendet e tjera. Megjithatë nuk ka urgjencë, qentë le të lehin, karvani do të ecë përpara.
Po për dekoratat?
Ka një kohë të gjatë dhe kërkon një rishikim për ta përmirësuar më shumë atë nisëm ligjore, jam lajme të mira, kur një shumicë e fuqishme ka edhe kapacitetin të reflektojë në funksion të respektit për veten që cdo nisëm të jetë sa më e përsosur.
Cila do të jetë marrëdhënie e re me FMN?
Kjo është një program i ri, që është brenda portofolit të FMN, nuk është vazhdimi i të njëjtit program. Roli i FMN nuk është aq i pranishëm sa ishte, por mbetet i nevojshëm.
Një nga pikat e marrëveshjet së majit, ishte për reformën zgjedhore, a do kërkoni ndryshimin e sistemit proporcional?
PD ka të drejta dhe detyrime të dëgjojë edhe kërkesat e palës tjetër. Nuk mund të ecim në menynë e parapërcaktuar nga PD, por palët duhet të ndërveprojnë. E mirëkuptoj kërkesën e PD, por tryeza e dialogut nuk mund të jetë me një menunë të përcaktuar. Ne jemi gati të përfshihemi në reformën zgjedhore, por jo sipas ritmit të PD, por të dakordësuar bashkë.
