Kryeministri Edi Rama dhe Kreu i Kuvendit Ilir Meta kanë qenë sot në Vlorë ku kanë prezantuar kandidatin e mazhorancës për bashkinë e këtij qyteti Dritan Leli.
Në fjalën e tij kryeministri Rama tha se Vlora dhe e gjithë Shqipëria përpos zërave kritikë janë në drejtimin e duhur. Duke u ndalur tek zërat kritikë, Rama theksoi se reformat e marra deri më tani nga qeveria kanë qenë të domosdoshme dhe të suksesshme por se ato nuk mund të kalojnë pa dhimbje.
Referuar edhe projektit të Lungomares në Vlorë, si dhe reformave të tjera të ndërmarra, shefi i qeverisë tha se ata kërkojnë kohë, dhe nuk mund të jenë aq të lehta “siç shënon Cristiano Ronaldo ndaj Celtas”.
“Ne e dimë që reformat dhe projektet që kemi ndërmarrë janë të vështira dhe kërkojnë kohën e tyre. Por zgjidhja nuk mund të jetë si ato 1, x, 2 e basteve sportive. Nuk janë të lehta siç i bën Ronaldo gol Seltas.” tha Rama
Kryeministri u shpreh ajo që ka rëndësi është se vendi është në drejtimin e duhur. Dhe për të vjuar në këtë rrugë, Rama kërkoi nga vlonjatët që të votojnë kandidatin e majtë Dritan Leli.
Redaksia Online
(JavaNews.al)
