Sot është dita e para e vitit arsimor 2018-2019. 480 mijë mijë nxënës ulen në bankat e shkollës ndërkrohë 32 mijë vogëlushë shkojnë në klasën e parë.
Kryeministri Edi Rama ishte në shkollën e rikonstruktuar “Kosova” në Tiranë ku përshëndeti nxënësit për vitin e ri.
Ai zgjodhi pikërisht shkollën “Kosova” për të dhënë urimin e tij, ku sipas Ramës, administrata e bashkisë planifikonte ndërtimin e një pallati kur drejtohej nga kreu i PD Lulzim Basha.
“Për mua është një ditë shumë e shënuar të jem këtu pas 15 e kusur vitesh luftë për këtë kënd të Tiranës, ku mund të shkruhet një libër për Shqipërinë që kishim. Shkolla u dogj, trualli u kthye në mënyrë krejtësisht të paligjshme, pastaj u prenë pishat që ishin këtu më parë dhe territori u kthye në aprkim. U bë çmos për ta marrë lejen e pallatit që do kishte zënë këtë kënd historik të arsimit, pastaj administrata e kaluar e bashkisë e vuri në plan të ndërtonte pallat, dhe pastaj më në fund ky makth mbaroi me ndryshimin në bashkinë e Tiranës dhe me futjen në rrugë të projektit të ri që sot nuk është më një projekt në 3D, por është një relaitet para syve tanë. Besoj që është koha, që së bashku me Erjonin do ta çlirojmë edhe pjesën djathtas që të keni hapësirë të denjë mes shkollës Kosova dhe gjykatës dhe fëmijët të përfitojnë më shumë mjedis publik”, tha Rama./a.m.
