Nga fshati Rrubjekë e Shijakut ku inspektoi banesat e prekura nga tërmeti, kreu i qeverisë Edi Rama premtoi para banorëve se shtëpitë e dëmtuara do të prishen dhe do të bëhen nga e para dhe më të mira.
“Ne nuk do të bëjmë pallat, por do të bëjmë shtëpi. Bëni një bisedë me njëri-tjetrin dhe ti afroni pak shtëpitë. në mënyrë që të keni shkollat dhe kopshtet afër dhe rruga t’iu kalojë pranë”, u shpreh Rama.
Ai tha se në çadrat e posaçme dimërore për familjet në fshat, që e kanë të pamundur për shkak të punës me tokën e të gjësë së gjallë të shpërngulen në shtëpitë me qera.
Rama deklaroi se brenda vitit 2020 të gjitha familjet e dëmtuara të fshatit do të jenë në shtëpi të re.
Kujtojmë se kreu i qeverisë pak ditë më parë premtoi 20 milionë lekë të vjetra për gjithë ato familje në fshat që kanë humbur shtëpinë nga tërmeti dhe duan që ta ndërtojnë vetë. /a.r
