Kryeministri Edi Rama ka qeenë prezent mbrëmjen e së enjtes në studone Real Story, e cila është zhvendosur në Vlorë.
Duke komentuar në panelin me analistë, Rama tha se 30 Qershori do të tregojë ndarjen e shqiptarëve nga antishteti.
“Në këto zgjedhje nuk është çështja se kush do të zgjidhet kryetar bashkie, por si do të jetë Shqipëria e nesërme. Një Shqipëri që e përballoi testin e forcës mes shtetit dhe antishtetit apo jo? Dhe unë besoj se përgjigjen e kemi marrë, megjithatë duhet të presim deri të dielën” – tha Rama ndër të tjera.
Kryeministri deklaroi se plani i opozitës ka qenë për të djegur të gjitha KZAZ në Shqipëri.
“Nuk ka arsye per te pasur frike. Mund te kete gjera sporadike, edhe provokime, por ne i kemi marre te gjitha masat. Autoret do pergjigjen perpara ligjit.” – tha Rama.
Kryeministri Edi Rama deklaroi në “Real Story” se nuk ka arsye për të pasur frikë për të dalë për të votuar në 30 qershor.
“Kjo botë nuk është e frikacakëve. Nuk ka arsye për të pasur frikë, mund të ketë gjëra sporadike, por ne i kemi marrë të gjitha masat, por kushdo që do të shkelë vijën e kuqe do të përballet me të gjitha pasojat. Është e vërtetë besimtar dhe votues, anëtar të atyre që nuk janë në garë, mund të jenë krejtësisht në pamundësi për të shkuar për të votuar, por këtë nuk ua hoqi PS, ua hoqi partia e tyre”, u shpreh Rama.
Shefi i Qeverisë u shpreh se PD-ja është tërhequr pas një presioni të jashtëzakonshëm të SHBA-së, ndërsa tha se plani për dhunë dështoi.
“Merrni në pyetje kryebashkiakun e shkarkuar të Vaut të Dejës dhe dëgjoni çfarë thotë ai. Nga njëra anë PD thotë e organizuam ne sulmin ndaj KZAZ-së, ndërsa ai thotë që e organizoi partia. PD ka një javë që hedhë gurin dhe fsheh dorën, pas një trysnie të jashtëzakonshme nga SHBA. Kjo është e gjitha pjesë e të njëjtit plan, plani ka dështuar, por ka kërcitje tek-tuk. Nëse plani nuk do kishte dështuar, do ishin djegur të gjitha KZAZ-të e Shqipërisë. Pra ky ka qenë plani”, tha Kryeministri Rama.
