Nga Parlamenti i Europian, Kryeministri Edi Rama u ka kërkuar vendeve të Bashkimit Europian të hapin negociatat për anëtarësim me Shqipërinë
Rama nga Brukseli, atje ku po mbahet takimi “miqtë e Shqipërisë” dha një mesazh të qartë për vendet e BE, ndërsa theksoi se fantazmat e së shkuarës nuk do të cënojnë të ardhmen e vendit.
Kreu i qeverisë tha se Shqipëria meriton çeljen e negociatave me BE.
“Ky është një moment mjaft thelbësor për ne, që është në prag të publikimit të raportit. Ne mendojmë që aty meritojmë plotësisht çeljen e bisedimeve për anëtarësim. Jam i sigurt për shumë nga njerëzit në këtë sallë, që e njohin historinë tonë e të gjitha përpjekjet që janë bërë nga vendi, nuk është e vështirë që të kuptohet se pse është me kaq rëndësi që të hyjmë në faze të re. Për disa është me rëndësi që disa përpjekje dhe nëpërmjet vështirësive që kem kaluar, për të mbërritur në këtë moment. Nga fjala e presidentit do i referoheshim asaj që merret e mirëqene që ka të bëjë me situatën aktuale në Ballkan. Qysh prej 2014-ës kemi bashkëpunuar për të sjellë rajonin në një nivel tjetër bashkëpunimi. Është një rajon ku jo për arsye që janë të thella, kemi kaluar konflikte, luftëra dhe është një rajon që ka besime fetare dhe etnish. Ne dhe askush tjetër në këtë ndërtesë tjetër apo në këtë qytet, nuk duhet të harrojmë që ajo që është arritur është një arritje e madhe dhe duhet të përforcohet që e ardhmja nuk do të na kthejë fantazmat e së shkuarës”, tha Rama.
Kryeministri u shpreh se Tirana nuk po kërkonte dhurata apo favore, por e diçka që e meriton
“Shqipëria nuk po kërkon ndonjë dhuratë, as një lloj favori që nuk e meriton, po kërkojmë thjesht celjen e negociatave sepse e meritojmë, kemi bërë një nga një cdo që që është shkruar në fletoren e detyrave tona të shtëpisë dhe e kemi bërë sipas rregullave”. tha Rama
Rama tha se Reforma ën Drejtësi dhe Vettingu po jep rezultatet e para pasi deri më tani “17 pesha të rënda të sistemit të vjetër nuk kanë hyrë në procesin e Vettigut, pra janë tërhequr, duke përfshirë ish-kryeprokurorin e përgjithshëm.”
a.ç
