Në takimin përmbyllës në Kavajë, Edi Rama u ka bërë sërish thirrje qytetarëve që të mos e lënë peng të partive të tepsisë së pushtetit. Rama tha se Shqipëria nuk ka çfarë pret nga politikanë që kanë 25 vjet që vijnë vërdallë dhe nuk kanë bërë asgjë.
“Më 25 qershor Shqipëria do të jetë një det kuqezi, që do të hapë një horizont të ri, nga njëra anë me një drejtësi të re dhe nga ana tjetër me një administratë të revolucionarizuar. Mos na lini peng të partive të tepsisë së pushtetit dhe të politikanëve që kanë më shumë se një çerek shekulli që i vijnë vërdallë Shqipërisë dhe nuk kanë bërë asgjë. Do të qeverisim me vullnet të hekurt për të gjithë shqiptarët”, deklaroi Rama.
Rama u shpreh i bindur në një votë kuqezi si asnjëherë më parë edhe në garën për bashkinë e Kavajës. “Në fletën e bashkisë 1, në fletën e partisë 2 dhe x lijani në dorë Lulit, Titit dhe gjithë të tjerëve”, deklaroi kryetari i PS, njëherësh kryeministër i vendit .
“Vota për Bashkinë e Kavajës nuk ka nevojë për shumë fjalë. Në fletën e bashkisë 1, në fletën e partisë 2 dhe x lëjani në dorë Lulit, Titit dhe gjithë të tjerëve. Besoj në një dallgë kuqëzi më të fuqishme se asnjëherë më parë”, tha Rama.
Rama pati edhe një thirrje për të gjithë ata që kanë votuar PS në 2013 dhe për demokratët. Ai kërkoi votën e tyre për të mos lënë në mes betejën e nisur.
“Ftoj të gjithë ata që na kanë votuar në 2013 të mos dorëzohen. Të mos e lëmë betejën në mës dhe të finalizojmë rrugën që kemi nisur. Ftoj edhe ata me bindje të djathta të na votojnë. Ata e kuptojnë që Luli nuk është për këtë punë. Më 25 qershor nuk shtrohet pyetja se më kë je? Më 25 qershor vendoset për të lartësuar flamurin kuqezi në oborrin e BE. Nuk kërkojmë që të djathtët të bëhën të majtë, por të votojnë PS-në. Nuk do të largohemi nga fusha e betejës pa votuar. Të gjithë qytetarët janë anëtarë të gjykatës sovrane të popullit, ndaj votoni për vazhdimin e punëve dhe të reformave. Më 25 qershor të mos votojmë si tifoze dhe të mos armatosemi me flamujt e partive, por me ambicjet, ëndrrat dhe shpresat tona”, tha Rama./Javanews.al/a.ç
