Kryeministri Rama është ndalur në Fier pasditen e sotme ku në një konsultim publik ka diskutuar buxhetin e vitit 2018. Gjatë fjalës së tij, kreu i ekzekutivit tha se vendi është në udhëkryq sa i përket luftës me korrupsionin.
“Do vazhdojmë procesin për lehtësimin e burokracive. Konsultimet që kemi nisur janë në funksion të përmirësimit të jetës. Ne shumë shpejt do të bëjmë publike platformën për bashkëqeverisjen” – tha Rama.
Ai paralajmëroi se pajisja me certifikatë e qytetarëve nuk është më detyrim për aplikimet në sportele.
“Nëse ju kërkon një zyrtar certifikatën, do i thoni ta nxjerrin ata se e kanë në kompjuter” – tha kryeministri referuar dixhitalizimit të dokumentacioneve në sistem.
Kreu i ekzekutivit tha se sot vetëm për certifikatat janë 4.5 milionë kontakte në vit të qytetarëve me zyrat e shtetit. Ai e quajti këtë një skandal. /b.d
