Kryeministri Edi Rama ishte sot në Divjakë për tu thënë banorëve se brenda vitit 2016, do të nisë investimi më modern për sistemin e ujitjes dhe kullimit. Ai tha se administrimi i ujit për vaditje do të jetë me çelës dhe që do u vijë shumë në ndihmë fermerëve të rrethit të Lushnjës.
“këto vite kemi bërë shumë për bujqësinë. Sot jemi angazhuar me një flotë moderne, duke iu vënë ekskavatorë të fuqishëm për të vazhduar më tej punën, që t’i kthejmë fshatrat në normalitet. Jemi të vetëdijshëm se përpara që të shkatërrohej gjithçka, sistemi i ujitjes, ishte perfekt por primitiv. Nuk kishte një sistem hidraulik apo të mbuluar.
Në Divjakë në fund të tetorit apo nëntorit, do të nisë investimi i parë modern me një sistem hidraulik të mbuluar, ku administrimi i ujit për vaditje do të jetë dhe me çelës. Pjesa kryesore e investimit do të shtrihet në Bashkinë e Divjakës e më pas në zona të tjera. Sistemi do të mbulojë të gjithë rrethin e Lushnjës.
Do vëmë në dispozicion një mundësisë financiare shumëfish më të madhe se sa buxheti i shteti dhe të ju bëjmë juve përfitues të investimeve, me interesa shumë të ulëta nga ana e bankave. 300 milionë euro është shuma që do u jepet fermerëve.” tha Rama
Rama theksoi se varfëria në fshatra është rezultat i mungesës së mbështetjes nga ana e qeverisë.
“Nuk ekziston varfëria në fshatrat e BE ku ne do të anëtarësohemi. Ka varfëri në fshat aty ku ka qeveri që nuk i mbështet. Kësaj varfërie në i kemi hapur një luftë frontale po nuk mund ta zhdukim as për 2, 3 apo 4 vite. Ne e nisëm nga A për të vendosur kushte sa më të barabarta për të gjithë ata që kanë vullnetin të jetojnë me tokën”, tha ai.
Kryeministri ftoi fermerët që të dorëzojnë projektet e tyre bujqësore, për të përfituar nga Fondi i Garancive.
“Sot për sot nuk mund të çohen një grup familjesh formale dhe të shkojnë në bankë sepse llogaria nuk del, duhet gjithmonë shteti mbrapa. Ne kemi krijuar një fond garancie për të financuar projektet tuaja. Nëse marrim atë që ne sot shpenzojmë si shtet direkt për të mbështetur ju është 15 herë më shumë. Prapë na duhet nujë bashkëpunim Ministrisë së Bujqësisë, asaj të Financave dhe bashkive.
Nuk flasim në një territor të shkretë sepse edhe këtu në Divjakë ka shembuj suksesi. Projekti ynë nuk është thjeshtë dhe vetëm të mbështesim të mëdhenjtë të bëhën më të mëdhenj, ne duam të mbështësim të vegjlit të bëhën më të mëdhenj”, tha më tej, kryeministri Rama.
