Kryeministri Edi Rama ka dhënë detajet e minisamitit që u zhvillua në Bruksel në lidhje me menaxhimin e krizës së refugjatëve, ku ndër vendet kryesore të unionit mori pjesë dhe Shqipëria. Kryeministri tha se Shqipëria mund të jetë pjesë e planit të Unionit në lidhje me menaxhimin e flukseve të refugjatëve në dimër, ku sipas parashikimeve, flukset pritet të “ngecin” në Ballkan. Rama theksoi se shqipëria është gati që të bëhet pjesë e planit të Bashkimit Europian për të pranuar refugjatë sirianë.
Rama: Është kërkuar disponibiliteti i vendeve të rajonit për të pranuar sistemin e mosshfryrjes së menjëhershme të refugjatëve në vendin tjetër, përgjatë korridorit ku siç e dini Shqipëria nuk bën pjesë. Shqipëria nuk është e prekur dhe gjasat janë se edhe mund të mos preket, pavarësisht se me ardhjen e dimrit ekziston një skenar i UNHCR-së që fluksi mund të ngecë në Ballkan dhe po ashtu këtë mund ta bëjë më të pranishme shtrëngesa që vetvetiu do të vijë qoftë nga ana e Gjermanisë dhe Austrisë. Sidoqoftë, Shqipëria është e gatshme të përfshihet në të gjithë programin e BE-së dhe në një projekt të qartë që në epiqendrën e vet ka Gjermaninë dhe Austrinë.
Rama në lidhje me raportin e Doing Business:
Në lidhje me raportin e Doing Business ne e kemi shpjeguar. Bllokimi i ljeve të ndërtimit ka qenë politik, një vendim i joni të cilit i kemi qëndruar dhe si rezultat ka sjellë gjithë atë rënie në klasifikim, që në këndështrimin tonë është tërësisht e rikuperueshme. Por ndërkohë përfitimi që kemi marrë nga ky ndalim është i pakrahasueshëm me humbjen që kenmi në këto pozicione, megjithatë është absolutisht legjitime që kjo të diskutohet, madje edhe të bëhet politikë mbi të.
Po ose të gjitha raportet janë vlefshme e kësisoj janë pikë referimi ose, nuk vlejnë fare, kështu që zgjidhni pozicionin tuaj.
Çështja e makinave ‘Jaguar’
“500 mijë Euro i kursejmë me sistemin ‘leasing’ të makinave. ‘Jaguar’ është më i lirë se Benz apo Ëolksëagen dhe ky sistem menaxhimi që kemi bërë është më i liri, por ju nuk e kuptoni, pasi po ta kishit kuptuar do ta kishit bërë vetë.
Tenderi i hemodializës
Deri tani MSH i ka dërguar të sëmurët te privati për të kryer shërbimin dhe në këtë aspekt ka vështirësuar dhe u ka nxirë jetën shumë pacientëve. 80 Euro për një seancë i është ngarkuar pacientit që nuk është në Tiranë, apo në një qytet që nuk ka spital privat, por shto këtu shumën e transportit.
Ne nuk kemi rritur çmimin, 80 Euro i jepen institucioneve jo publike për të kryer shërbimin e hemodializës. Shteti do të vazhdojë që të paguajë si më parë, ndërsa privati do të bëjë investimin që të bëhet hemodializa në cdo qytet. Kjo është shprehje e dëshpërimit tuaj për të bërë opozitën. Ka shumë çështje për të sulmuar qeverinë, por ju nuk dini. Ju kujtoni se shqiptarët do iu besojnë ju, pasi ju ‘keni rënë nga qielli’.
Godina e OSHEE
Ndryshimi mes nesh dhe jush është është se ne jemi modernizuesit dhe ju jeni feudalët. Deri tani shteti paguante qera gati 500 mijë Euro në vit për godinën e OSHEE. Po të marrim shumën e shpjeguar për qeranë dhe atë për të ndërtuar godinën në harkun e 8 viteve nuk ka më asnjë shpenzim.
