Kreu i qeverisë, Edi Rama, ishte këtë të diel, 10 maj, në asamblenë e Partisë Socialiste në Elbasan.
Ai u ndal fillimisht tek procesi i integrimit në Bashkimin Evropian, duke u shprehur se nuk duhet humbur motivimi për të ecur përpara.
“PS, familja jonë politike duhet të përballet pa e humbur kthjelltësinë dhe pa humbur për asnjë moment motivimin për të shkuar çdo ditë e më shpejt përpara me një tërësi forcash dhe faktorësh që janë tërësisht kundër nesh.
Forcat e faktorët politikë, mediatikë, socialë në sensin e pranisë në rrjete sociale që prodhojnë dhe shpërndajnë në mënyrë marramendëse gënjeshtra, gjysmë të vërteta dhe që janë gënjeshtrat më të mëdha, lajme të cilat edhe kur nuk janë të pavërteta janë vendosur në një proporcion të zhdrejtë me realitetin“, u shpreh ai.
