Që Kryeminstri Edi Rama është një sportdashës dhe tifoz i ekipit të Juventusit kjo dihet. Dhe ai ka vendosur që këtë pasion ta ndajë me të gjithë tifozët. Kjo pasi ai ka njoftuar se të gjithë të apasionuarit pas futbollit, mund ta ndjekin finalen e Ligës së Kampioneve Juve-Barça te Kryeministria.
“Për të gjithë tifozët e futbollit të bukur, fusha e blertë e Kryeministrisë do të kthehet në një zgjatim të fushës ku do të luhet Finalja e Madhe. Kush dëshiron ta shohë ndeshjen brenda në fushë është i mirëpritur:-)”, shkruan Rama në Facebook.
