Kryeministri Edi Rama ndau sot pamje nga Mali i Thatë, që është shndërruar në një destinacion turistik të preferuar.
Rama nënvizoi se, Mali i Thatë tanimë është shtegu turistik i preferuar në këtë periudhë nga të apasionuarit pas natyrës dhe dëborës.
Kreu i qeverisë theksoi se, Mali i Thatë ofron një pamje fantastike të liqenit të Pogradecit dhe Prespës.
Mali i Thatë, quhet kështu mbasi me të vërtetë është i thatë dhe gjatë dimrit është i mbuluar nga bora.
Prej tij nuk rrjedhin burime uji ose këto janë shumë të pakta dhe gjithashtu, nga ky masiv malor, nuk buron asnjë lumë a përrua që të ketë ujë, gjatë gjithë vitit.
Mali i Thatë shtrihet në veri të Fushës së Korçës, një pjesë e tij vazhdon edhe matanë kufirit.
Maja e tij nuk është e mprehtë por përkundrazi, ajo është e rrafshtë, e sheshtë dhe me gropa karstike.
Maja më e lartë e tij është Pllaja e Pusit , e cila është 2287 m mbi nivelin e detit.
Ky mal ka një shtrirje rreth 25 km nga veriu në jugë dhe është i gjerë rreth 8 km në pjesën qendrore të vet.
/a.r
