Rezidenca e ish diktatorit Enver Hoxha është shndërruar në një ambient të hapur e kulturor për të pritur artistët shqiptarë e të huaj për organizimin e ngjarjeve kulturore.
“Vila 31 x Art Explora” u hap sot, ndërsa ishte I pranishën edhe kryeministri Edi Rama.
Gjatë fjalës së tij, ai përmendi një prej episodeve të ndodhura në Francë, ku iu vu gjobë se bëri pis parketin.
Rama: Unë e kam kaluar një eksperiencë të ngjashme, jo në një godinë si kjo kaq speciale, por në qendrën Ndërkombëtare të Arteve në Paris, kur erdha këtu mu kujtua që kur mbarova qëndrimin atje më vunë dhe një gjobë se kisha bërë pis me bojë parketin, ju duhet të siguroheni që duhet të vihet një gjobë e tillë, se u sigurova kur po shikoja gjithë këto parkete, duhet vënë ajo gjoba se kishin të drejtë francezët që e kishin me gjobë, ishte goxha gjobë, më ka dhembur shumë në atë kohë, duhej ta paguaja.
