Përmes një postimi në rrjetin e tij social kryeministri Edi Rama i është referuar raportit të fundit të gjigandit financiar Moody’s dhe vlerësimit të tij pozitiv për ekonominë e vendit. S
ipas Moody’s, borxhi publik do të zbresë në një nivel historik në masën 69%, më i ulëti në dy dekada, teksa rritja ekonomike në vitet në vijim pritet të shkojë rreth 4.1%.
Ja çfarë shkruan Rama:
NJE TJETER VLERESIM KUPTIMPLOTE
Korporata ndërkombëtare e vlerësimit financiar Moody’s në vlerësimin e saj për Shqipërinë, nënvizon se pozicioni financiar i vendit është përmirësuar falë disiplinës fiskale. Sipas raportit të Moody’s, ecuria e fortë buxhetore mbështet parashikimin se në 2016-ën, deficiti do të zbresë në 2.5 përqind, më i ulëti në dy dekada!
Moddy’s konstaton se borxhi ynë publik tashmë ka filluar të ulet dhe konfirmon qëndrimin e qeverisë se, vitin e ardhshëm borxhi do të zbresë në 69 përqind, i ndihmuar edhe nga gjallërimi i aktivitetit ekonomik. Gjithnjë sipas Moody’s, pas vitit 2014, rritja ekonomike ka qenë me bazë më të gjerë, e mbështetur si nga forcimi i konsumit ashtu dhe investimet private. Rritja ekonomike do të jetë 3.4 përqind këtë vit dhe do të vazhdojë të përshpejtohet deri në 4.1 përqind gjatë dy viteve të ardhshme.
Raporti i Moody’s nënvizon se, forcimi i rritjes ekonomike dhe lufta kundër informalitetit kanë rezultuar në një përmirësim për t’u theksuar në tregun e punës duke ulur 2.9 përqind papunësinë!
Kjo nuk do të thotë aspak se gjërat po shkojnë fjollë, por padyshim do të thotë shumë për ata që duan të shikojnë, duan të dëgjojnë dhe duan të kuptojnë! Shqipëria vazhdon kthesën në drejtimin e duhur, përmes reformash rrënjësore që garantojnë të ardhmen./java/a.k
