I pyetur nëse po i dërgon mesazhe Gjykatës Kushtetuese për ish-ministrin Saimir Tahiri, gjykimi për të cilin pritet të fillojë pas disa ditësh, Rama u përgjigj se “po flet për raste konkrete dhe se nuk merret me procesin”.
Rama shtoi më tej se ndryshimi i PS nga partitë e tjera është pikërisht tërheqja, sipas tij, e partisë për të bërë avokatin e tij në publik.
“Unë po flas për një fakt konkret nuk merrem me procesin dhe për procesin PS është një tjetër shembull pse ne jemi ndryshe, ka bërë atë që nuk e ka bërë kurrë asnjë parti në vend, kur një përfaqësues i lartë i saj është vënë në akuzë publike, shkarkimi i plotë i tij dhe tërheqja e plotë e PS për të bërë avokatin e tij në publik. Këtu hidhen bomba bazuar në “alo nice” imagjinoni çfarë. Unë fola për pjesën e përgjimeve, ato janë kërcënim i madh për të vërtetën dhe për demokracinë”./ i.h
