Kreu i qeverisë ka ndaluar pasditen e sotme në komunën Paskuqan në kuadër të shpërndarjes së lejeve të legalizimit.
Pasi ka radhitur reformat e qeverisë përpara dhjetëra të pranishmëve, Rama theksoi se sot në Paskuqan shpërndahen 750 lejet e legalizimeve për ata që kanë ndërtuar në zonat informale.
“Ju jeni të vetëdijshëm se varfëria nuk lindi 18 muaj më parë kur ne morëm drejtimin e qeverisë” – theksoi kryeministri.
“Unë ju detyrohem të vërtetën. Ju, vendosni! Nëse këtu votoni për këtë që keni, nuk keni çfarë të prisni ndryshe. Ku janë provat që mund ta bëjë punën më mirë” – tha Rama duke iu referuar kreut aktual të Bashkisë Kamëz, Xhelal Mziut.
Të pranishëm ishin deputetë të Tiranës si dhe kandidati socialist për Kamzën, Safet Gjici.
Komuna Paskuqan do të jetë pjesë e Bashkisë Kamëz pas zgjedhjeve të qershorit duke iu referuar hartës së re territoriale. Treçereku i ndërtimeve nuk figurojnë fare në hartat e Hipotekës për shkak të mos azhornimit, ndërsa Paskuqani dhe fshati Babrru është një ndër më problematikës sa i përket ndërtimeve informale.
