Mos mendoni se mund të ikni, por nisni riparimin e dëmeve. Kështu u shpreh mbrëmjen e së hënës kryeministri Edi Rama në një takim me ndërtuesit nga Durrësi.
Kryeministri kërkoi riparimin e banesave të ndërtuara prej tyre, por që tërmeti i 26 nëntorit i shndërroi në të papranueshme.
Rama tha se ky është një detyrim që ndërtuesit ia kanë borxh shqiptarëve, por edhe familjeve të tyre.
Në përfundim të takimit, shefi i qeverisë foli për mediat teksa i cilësoi kriminale në lidhje me lajmet që përhapin panik.
