Në Kuvendin e Shqipërisë diskutohet sot raporti për vitin 2018 mbi ecurinë e procesit të integrimit të Shqipërisë në Bashkimin Europian.
Gjatë fjalës së tij, kryeministri Edi Rama tha se Shqipëria i ka plotësuar kushtet për çeljen e negociatave.
Shefi i ekzekutivit u ndal edhe te reforma në drejtësi duke e cilësuar si kyçe dhe që largoi ‘peshqit e mëdhenj’ nga sistemi.
Ai tha se bëhet fjalë për mbi 60 gjyqtarë dhe prokurorë të larguar, teksa shtoi se pasuritë e pajustifikuara do të hetohen.
“Rikonfirmimi i rekomandimit pa kushte për të dytën herë nga KE për Shqipërinë është edhe rikonfirmim i një të vërtete shumë të të thjeshtë, Shqipëria i ka plotësuar të gjitha detyrat për të çelur negociatat për anëtarësim.
Hapja e negociatave është një vendim që merret nga KE-ja, që përbëhet prej të gjithë kryeministrave dhe presidentëve të vendeve anëtare bazuar në rekomandimin e komisionit, por edhe si rezultat i dinamikave të brendshme në vendet anëtare.
Nëse raporti i KE ndërtohet mbi kritere teknike duke verifikuar kryerjen detyrave, vendimmarrja i kalon kriteret teknike, subjektiviteti politik i vendeve ka rolin e tij. Jemi në kushtet kur nga brenda vendit u jepet forcave që janë kundër zgjerimit një ushqim kundër vendit.
Në funksion të pengimit të kësaj vendimmarrje dhe krijimit të aleancave që janë të vendosura kundër zgjerimit” – tha Rama.
/a.rada
