Shpëtim Nazarko ka dhënë një intervistë për News 24, ku ka folur për aktualitetin politik.
Ai është ndalur në disa çështje, dhe mes të tjerash ka deklaruar:
“Rruga e Ramës, për mendjen time, nuk është as erdoganiste, as enveriste. Ai vazhdon të mbetet besnik i ideve përtej të majtës dhe të djathtës. Kjo dhe duke kuptuar se administrimi i keq i Shqipërisë është vepër edhe e partisë që udhëheq po ai. Administarata e Shqipërisë, duke u mbështetur pas kurrizit të partive dhe aleancave politike, ka prodhuar një kaos që Shqipërsisë do t’i duhen vite ta heqë qafe.
A do të arrijë ai të mobilizojë realisht forca manaxhuese që Shqipëria, me gjithë varfërinë, i ka çuar fëmijët e saj në Perëndim për t’u shkolluar? A do ta fitojë Rama këtë histori apo do të pësojë fatin e Gorbaçovit si individ?”
“Opozita reale apo gjenetike mbetet PD-ja dhe jo LSI-ja, që është po parti e majtë dhe që gradualisht për mua do të vazhdojë të tkurret. Po që PD-ja ta luajë këtë rol, i duhet shumë më tepër forcë se deri tani. Megjithëse Basha është de fakto e de jure kryetari i PD-së, besoj se nuk ka provuar ende që është dashi që tërheq kopenë”.
“Nuk besoj që do t’i japë gjë në bashkëqeverisje PD-së drejtpërdrejt, por mendoj se do të ishte mirë që ta atashonte rolin e saj në Reformën Kushtetuese, atë zgjedhore dhe të procesit të integrimit”.
