“I lumtur per popullin vella te Turqise dhe mikun e çmuar Presidentin Erdogan per daljen me sukses te plote nga nje nate tejet e veshtire. Kështu ka shkruar në rrjetet sociale mëngjesin e sotëm kryeministri Rama referuar tentativës për grusht shteti në Turqi.
Ndërkohë, reagime ka pasur edhe nga selia blu. Në një deklaratë të shpërndarë me email, PD shkruan se ajo mbështet institucionet e zgjedhura demokratike.
“Partia Demokratike e Shqipërise ka ndjekur me shqetësim zhvillimet e orëve të fundit në Turqi. PD shpreh mbështetjen për autoritetet e zgjedhura demokratike ne Turqi, demokracinë dhe shtetin ligjor. Ruajtja e rendit kushtetues dhe rikthimi i paqes dhe sigurisë publike jane në interes të të gjithë qytetarëve të Turqisë dhe miqve e partnerëve të saj” – thuhet në deklaratën e PD.
(java / r.a)
