Vijojnë replikat mes Ramës e Bashës për raportin e Dick Marty-t për UÇK-në. Rama ka akuzuar kryetarin e PD-së se ka marrë në pyetje shqiptarët për llogari të Marty-t.
“Pse Beogradi nuk e donte raportin e Dick Marty prandaj e miratuat ju Lulëzim! Dhe meqë ra fjala a është e vërtetë që ke përdorur maskë qysh atëherë, kur merrje në pyetje shqiptarët për llogari të zotit Dick apo edhe kjo është sajesë e Beogradit? Fol Lulëzim, thuaje të vërtetën”, shkruan Rama.
Kreu i qeverisë që prej ditës së djeshme pyet ish-kryeministrin Sali Berisha dhe Presidentin Ilir Meta se pse e votuan raportin e Dick Marty-t për UÇK-në. Ndërkohë për kryeopozitarin Basha thotë se ka marrë pjesë në dosjen e përgatitur për Shtëpinë e Verdhë.
Basha i ka mohuar këto akuza dhe i cilësoi shpifje të kryeministrit./d.c
