Kryeministri Edi Rama ishte në Shkodër me një takim me të rinj që votojnë për herë të parë. Edhe në këtë takim ai dha një mesazh për opozitën e cila ka vendosur të bojkotojë zgjedhjet. Ai tha se frika e opozitës është çlirimi i drejtësisë nga personat e korruptuar.
“PD ka vendosur të arratiset nga fusha e betejës. Ka vendosur të braktisë zgjedhjet dhe t’i lërë pa votuar ata që e votojnë. E ka bërë për një arsye, që tani e kanë marë vesh edhe gjithë shabat e liqenit të Shkodrës, e ka bërë sepse ka frikë nga drejtësia. E ka bërë sepse nuk do të ndahet nga gjyqtarët dhe prokurorët e korruptuar që i kanë marë shpirtin shqiptarëve. Nëse Lulëzimi e rregullon me një raport mjekësor me gjykatën, nuk ka shqiptar që e rregullon pa para në dorë. Nëse Saliu e rregullon me një telefon, nuk ka familje shqiptarësh të thjeshtë që mund të marri në gjykatë të drejtën që i takon”, tha Rama.
“PD vendosi të bojkotojë zgjedhjet, nuk është zghjedhe e demokratëve të thjeshtë. As mos i dëgjoni fare kur thonë se po nuk erdhi PD në zgjedhje ne nuk do hymë dot në BE. Ju i keni dëgjuar, të gjithë miqtë e Shqipërisë, edhe partnerët e PD që e kanë thënë qartë, Shiqpëria duhet të bëjë zgjedhje, Shqiëpria duhet të fillojë Vettingun. Unë dua t;ju them me shumë sinqeritet. E di shumë mirë që në 3 vite e gjysmë nuk kemi bërë mrekullira. E dimë shumë mirë që ka akoma shumë më tepër për të bërë për spitalet, për shkollat, për fmailjet në nevojë, por ama një gjë besojeni, ne e treguam shumë mirë në këto 3 vite e gjysmë që ne jemi garancia që ky vend mund të bëhet shtet”, tha Rama.
Ai deklaroi se PD nuk ka bërë asgjë për Shkodrën, qytet që e voton prej 27 vitesh. Ai tha se ka ardhur koha që PD të ndëshkohet me votë.
“Të gjithë shqiptarëve që shohin flamujt e partive dua t’u them një gjë, partitë janë për të shërbyer, nuk janë skuadra që edhe në kategorinë e 7-të do i gjëmosh nga prapa. Nëse një parti nuk shërben meriton të ndëshkohet. Unë mendoj se ka ardhur koha që këtu në Shkodër PD të marrë ndëshkimin e merituar për harresën me shumë se çerekshekullore këtu në Shkodër. Prej 27 vitesh PD qeveris Shkodrën, dhe prej 27 vitesh merr besimin e shkodranëve si një besim i dhënë gratis. E merr besimin duke vazhduar të luftojë me fantazmën e komunizmit. Ne kemi dashur të bëjmë shumë për tepër për Shkodrën, nuk kemi bërë dot. Shumë shpejt, atë transformim që po i bëjmë vijës bregdetare të Vlorës, Himarës, do ia bëjmë vijës së liqenit të Shkodrës. Do ta kthejmë liqenin e Shkodrës në një zonë, ku të gjithë, familjarët, vizitorë apo turistë, ta shijojnë gjithë mrekullinë e asaj zone. Shumë shpejt do fillojmë ndërtimin e rrugës Shkodër-Velipojë”, tha ai.
Më tej rama ka ironizuar edhe kryebashkiaken e djathtë të Shkodrës Voltana Ademi.
“Kam qenë kryetar bashkie, nuk e merrja Voltanën as për magaziniere”, tha ai./a.m.
